ქეით მიდლტონის კაბა იტალიის პრემიერის შვილიშვილის კაბის პლაგიატი აღმოჩნდა. ამის შესახებ "skuky.net" წერს. გამოცემის ინფორმაციით პრინცესას კაბა ძალიან გავდა იტალიის პრემიერ-მინისტრ სილვიო ბერლუსკონის შვილიშვილის საქორწილო კაბას.
იზაბელა ორსინი, რომელსაც იტალიელი ჟურნალისტები პრინცესას უწოდებენ, ორი წლის წინ გათხოვდა. მისი რჩეული ბელგიელი პრინცი ედუარდ დე ლინ დე ლა ტრემუილი გახდა.
მოდის ექსპერტების აზრით, ქეითის საპატარძლო კაბა იზაბელას კაბის პლაგიატი იყო. მართალია, იზაბელას კაბა ბელგიელმა დიზაინერმა ჯერალდინა ვატელემ შექმნა, ქეითის კაბა კი - "Alexander McQueen"-ის მოდის სახლის დიზაინერმა სარა ბარტონმა, მათ შორის მსგავსება ნამდვილად არის. ორივე დიზაინერმა მხრებისა და ხელების დასაფარად გამჭვირვალე მაქმანებიანი ქსოვილი, მჭიდრო კორსეტი და გრძელი ქვედაბოლო გამოიყენა. ორივე კაბას ერთნაირად ამოჭრილი დეკოლტე აქვს.
იზაბელა ორსინს ეჭვიც არ ეპარება, რომ სარა ბარტონმა ჯერალდინა ვატელეს კაბის ასლი შექმნა, თუმცა უკამყოფილო არ არის. თავად სარას ამ ფაქტთან დაკავშირებით კომენტარი არ გაუკეთებია.
|